Íslenskar skýrslur um jafnréttismál

Launamunur kynjanna. Ástæður, framtíðarhorfur og aðgerðir. (2007)
Erindi dr. Lilju Mósesdóttur á fundi RIKK og kvennahreyfingarinnar 17. apríl 2007.

Launamyndun og kynbundinn launamunur (2006)
Rannsókn unnin af Capacent fyrir félagsmálaráðuneytið. Um er að ræða endurtekningu á rannsókn sem gerð var 1994-1995. Í ljós kom að launamunur hafði minnkað úr 16% í 15,7% á þessu 12 ára tímabili sem leið á milli rannsóknanna. Atvinnu- og stjórnmálahópur Femínistafélags Íslands reiknaði í kjölfarið út að með sama áframhaldi tæki 628 ár að ná launajafnrétti. Viðauka við skýrsluna má finna hér.

Aðgerðaráætlun ríkisstjórnarinnar gegn kynbundnu ofbeldi (2006)
Aðgerðaáætlun vegna ofbeldis á heimilum og kynferðislegs ofbeldis. Meginmarkmið áætlunarinnar er að vinna gegn ofbeldi á heimilum og kynferðislegu ofbeldi sem beinist að konum og börnum sem og að bæta aðbúnað þeirra sem orðið hafa fyrir ofbeldi eða eru í áhættuhópi.

Karlar og konur í íslensku sjónvarpi: Fréttir (2005)
Rannsókn gerð fyrir Menntamálaráðuneytið. Höfundur skýrslunnar er Margrét Valdimarsdóttir.

Karlar og konur í sjónvarpsþáttum (2005)
Rannsókn gerð af félagsfræðiskor Háskóla Íslands fyrir Menntamálaráðuneytið. Höfundur skýrslunnar er Elsa María Jakobsdóttir.

Jafnréttiskennitalan 2005 (2005)
Birting upplýsinga um jafnrétti í 100 stærstu fyrirtækjum landsins árið 2005. Háskólinn á Bifröst.

Konur og tölvunarfræði (2003)
Rannsókn um hlut kvenna í tölvunarfræðinámi á Íslandi. 'Undanfarin tæp 20 ár hefur sú þróun átt sér stað í tölvunarfræðinámi að konum hefur hlutfallslega fækkað verulega.'...'Þessi rannsókn var unnin til að kanna ástæður þessa og til að kanna hvaða viðhorf nemendur hafa til þess náms og námsefnis sem boðið er upp á í tölvunarfræðinámi við HR. Rannsóknin var styrkt af Nýsköpunarsjóði námsmanna. Hún var unnin af Kolbrúnu Fanngeirsdóttur nema í tölvunarfræði við HR' [bls.5:2003].

Launamunur karla og kvenna á Íslandi ( 2001)
Stutt töluleg samantekt jafnréttisráðs á launamun kynjanna á tímabilinu 1981-2001.

Könnun á launamun kynjanna (2001)
Niðurstöður könnunar á launamun kynjanna sem framkvæmd var í febrúar 2001 fyrir jafnréttisráð og nefnd um efnahagsleg völd kvenna. Könnunin náði yfir allan vinnumarkaðinn nema banka, ríki og Reykjavíkurborg. Þar kemur í ljós að laun kvenna eru 70% af launum karla. Skýra má 66-75% af þeim mun með ólíkum starfsvettvangi, starfi, menntun og ráðningafyrirkomulagi kynjanna en það sem eftir stendur (7,5-11%) stafar af því að hjónaband, barneignir og fleira hefur önnur áhrif á laun kvenna en karla.

Towards a closing of the gender pay gap, country report: Iceland (2002)
Rannsóknarskýrsla um Ísland í ESB-styrktu verkefni þar sem launamunur kynjanna er kannaður í víðu ljósi. Towards a Closing of the Gender Pay Gap verkefnið er samstarfsverkefni sex Evrópuríkja (Ísland, Noregur, Austurríki, Bretland, Grikkland og Danmörk) með það að markmiði að framkalla skilvirkar aðferðir til að draga úr launamun kynjanna í hverju ríki fyrir sig. Nánar má lesa um verkefnið á heimasíðu þess.

Könnun á atvinnutækifærum karla og kvenna (2003)
Niðurstöður viðhorfskönnunar sem Gallup framkvæmdi fyrir jafnréttisráð í janúar 2003. Mæld voru viðhorf Íslendinga til þriggja þátta er snúa að stöðu kynjanna á íslenskum vinnumarkaði. Spurt var um atvinnutækifæri, hvort tekið sé tillit til þarfa fjölskyldufólks og hvort svarendur telji kyn sitt vera sér til framdráttar eða hindrunar varðandi starfsframa. Fram kemur m.a. að 60,2% aðspurðra telja konur hafa minni atvinnutækifæri en karlar.

Lykillinn að velgengni á vinnumarkaði (2001)
Bæklingur sem gefinn er út af jafnréttisátaki HÍ, Jafnréttisstofu og VR í samstarfi við Eimskipafélag Íslands, þekkingarsmiðju IMG og ráðstefnuna Konur og lýðræði við árþúsundamót. Ritinu er ætlað að veita þeim sem eru í þann veginn að fara út á vinnumarkaðinn hagnýt ráð um atvinnuleit og fyrstu skrefin á vinnumarkaði.
Jafnrétti kynjanna við opinbera stefnumótun, nefndarálit (2002)

Álit ráðherraskipaðrar nefndar sem falið var að kanna hvort og með hvaða hætti opinber stefnumótun taki mið af jafnrétti kynjanna.

Skýrsla um atvinnurekstur kvenna (1998)
Niðurstöður nefndar á vegum iðnaðar- og viðskiptaráðuneytisins sem falið var að kanna atvinnurekstur kvenna og hvort hann þyrfti sérstakan stuðning.

Nefnd um konur og fjölmiðla: álit og tillögur (Menntamálaráðuneytið 2001)
Niðurstöður nefndar sem skipuð var af menntamálaráðherra árið 1998 með það að markmiði að kortleggja íslenskan fjölmiðlaveruleika með tilliti til stöðu kvenna og leggja fram tillögur um hvort og hvaða hlutverki fjölmiðlar og aðrir hafa að gegna í þeim efnum. Ein af megintillögum nefndarinnar var að komið yrði á laggirnar gagnagrunni fyrir fjölmiðlafólk með upplýsingum um konur með sérþekkingu á ýmsum sviðum.

Konur í vísindum á Íslandi (Menntamálaráðuneytið 2002)
Samantekt um stöðu kvenna í vísindum á Íslandi. Skýrslan var unnin af nefnd um konur og vísindi sem skipuð var af menntamálaráðherra vorið 2000. Starf nefndarinnar var m.a. liður í viðamiklu mati á því hvort jafnréttissjónarmiða hefði að fullu verið gætt við gerð fimmtu rammaáætlunar ESB á sviði rannsókna.

Jamstalldhetsstatistik i Norden - Kartlagging av status ar 2002
Lokaskýrsla verkefnis um jafnréttistölfræðiupplýsingar á Norðurlöndunum. Skýrslan var unnin af NIKK, norrænu rannsóknarstofnuninni í kvenna- og kynjafræðum.

Hið gullna jafnvægi
Á árunum 2000-2001 tók Reykjavíkurborg ásamt 35 íslenskum fyrirtækjum þátt í samevrópska verkefninu Striking the Balance sem miðar að því að þróa starfsmannastefnu sem mætt getur óskum starfsmanna um betra jafnvægi milli einkalífs og starfs og þörf fyrirtækja fyrir betri nýtingu mannauðsins.  Verkefninu hefur verið fylgt eftir af Reykjavíkurborg sem rekur nú sérstaka heimasíðu með ítarlegum upplýsingum um markmið Striking the Balance og starfsemi því tengt í samstarfi við Gallup á Íslandi.

Samþætting kynja- og jafnréttissjónarmiða í starfsemi Norrænu ráðherranefndarinnar (1999)
Framkvæmdaáætlun um samþætttingu jafnréttissjónarmiða í allri starfsemi Norrænu ráðherranefndarinnar. Markmið samþættingaráætlunarinnar er að á hverju starfssviði axli menn ábyrgð á auknu jafnrétti kynjanna. Þetta felur í sér ábyrgð á að skilgreina og framkvæma raunveruleg og sértæk markmið um jafnrétti kynjanna innan hvers málaflokks.

Vinnurmarkaðurinn og samþætting jafnréttissjónarmiða í þekkingarsamfélaginu (2003)
Fyrsta skýrsla evrópska rannsóknarverkefnisins From wellfare to knowfare: A European approach to employment and gender mainstreaming in the Knowledge Based Society. Sérfræðingar á fræðasviði hagfræði, félagsfræði og stjórnmálafræði frá 8 Evrópulöndum taka þátt í verkefninu en verkefnisstjóri er Lilja Mósesdóttir, prófessor við Viðskiptaháskólann í Bifröst. Skýrslan fjallar um þær breytingar sem hugsanlega verða á samfélögum í Evrópu þegar þau færast úr því að vera velferðarsamfélög yfir í þekkingarsamfélög, þá sérstaklega hvað varðar vinnumarkaðinn og stöðu karla og kvenna.

Skýrsla nefndar um aukinn hlut kvenna í stjórnmálum (2003)
Lokaskýrsla ráðherraskipaðrar nefndar um aukinn hlut kvenna í stjórnmálum. Nefndin starfaði frá október 1998 fram í janúar 2003.